بۆکس میدیاــــــــ

لە مانگی تەممووزی 2026دا، ئاسمانی هەرێمی کوردستان بووەتە گۆڕەپانی 48 هێرشی درۆنی و مووشەکی کە بەشێکی زۆریان ناوچە سڤیلنشینەکانی هەولێر و سلێمانییان کردووەتە ئامانج. ئەم هێرشانە کە دوای ماوەیەک لە ئارامی دەستیان پێکردووەتەوە، زیانی گیانی و ماددی زۆریان لێکەوتووەتەوە و بوونەتە هۆی شەهیدبوونی 9 ئەندامی هێزە کوردییەکانی ڕۆژهەڵات لە زڕگوێزەڵە. بەگوێرەی ئامارەکان، تەنها لە ماوەی یەک هەفتەدا زیاتر لە 43 هێرش ئەنجامدراون کە زۆربەیان لەلایەن سیستمی بەرگریی هاوپەیمانانەوە تێکشکێنراون.

ڕێکخراوی سی پی تی ئەمریکی ئاشکرای کردووە کە تەنها لە ماوەی یەک هەفتەدا 43 هێرش کراونەتە سەر هەرێمی کوردستان، کە 33یان درۆن و 10یان مووشەک بوون. ئەم هێرشانە لە کاتێکدایە کە لە 28ـی شوبات تاوەکو 25ـی نیسانی 2026، بە گشتی 809 هێرش کراوەتە سەر هەرێم و بەهۆیانەوە 20 کەس شەهید بوون و 123ی دیکەش بریندار بوون. سەرەڕای تێپەڕبوونی کات بەسەر ڕێککەوتنی هەولێر و بەغداد بۆ پاراستنی کێڵگە نەوتییەکان و سنوورەکان، حکومەتی فیدراڵ تا ئێستا هیچ جۆرە سیستمێکی بەرگریی ئاسمانی بۆ پاراستنی خەڵکی هەرێمی کوردستان جێگیر نەکردووە.

لە ئەنجامی ئەم هێرشانەدا،هەولێر زۆرترین هێرشی بەرکەوتووە و کەمپی پەنابەران و بارەگا سەربازییەکانی تێدا کراوەتە ئامانج،هێرشەکەی سەر زڕگوێزەڵە لە سلێمانی بووەتە هۆی شەهیدبوونی 9 کەس و برینداربوونی چەندانی دیکە،حکومەتی فیدراڵ سەرەڕای ڕێککەوتنەکان، هیچ سیستمێکی بەرگریی ئاسمانی لە هەرێمی کوردستان جێگیر نەکردووە.